Some more shayaris

Chaudavi Ka Channd Ho, Ya Aaftaab Ho,

Jo bhi Ho tum, Khuda Ki Kasam, Lajawaab ho.

Chehara Hai Jaise Zeel Mein hansata Hua Kanwal,

Ya Jindagike Saaz Pe Chhedi Hu.ee Gazal,

Masti Hai Jisme Pyaar ki, Tum Woh Sharaab Ho,

Chaudavi Ka...

Matlab ki Is Duniya Mein, Kaun Kiska Hota Hai,

Dhoka Wohi Deta Hai, Jispe Bharosa Hota Hai.

Chandi Jaisa Rang Hai Tera, Sone Jaise Baal,

Ek Tuhi Dhanwaan Hai Gori, Baaki Sab Kangaal.

Jis Raste se tu Guzare Woh Phulonse Bhar Jaaye,

Tere Pairki Komal Aahat Sote bhaag jagaye,

Jo Pathhar Chhule Gori Tu Woh Hira Ban jaaye,

Tu Jisko Mil Jaaye Woh Ho Jaaye malaamaal,

Ek tuhi Dhanwaan Hai Gori, Baaki Sab Kangaal.

Jo Beraang Ho Uspar Kya Kya Rang jamaate Log,

Tu Naadaan Na Jaane Kaise Roop Churate Log,

Najarein Bhar Bhar Dekhen Tuzko Aate Jaate Log,

Chhail Chhabilee Raani Thoda Ghunghat Aur Nikaal,

Ek tuhi Dhanwaan Hai Gori, Baaki Sab Kangaal.

Dhanak Ghata Kaliyaan Aur Taarein Sab Hai Tere Roop,

Gazalein Ho Ya Geet Ho Mere, Sabmein Tera Roop,

Yunhi Chamakati rahe hamesha Tere Husn Ki Dhoop,

Tuze Nazar Na Lage Kisiki Jiyen Hazaron Saal,

Ek tuhi Dhanwaan Hai Gori, Baaki Sab Kangaal.

dekh lo Khvaab magar Khvaab kaa charchaa na karo,

log jal jaayenge suuraj kii tamannaa na karo

vaqt kaa kyaa hai kisii pal bhii badal sakataa hai,

ho sake tum se to tum mujh pe bharosaa na karo

kirchiyaa.N TuuTe hue aks kii chubh jaayengii,

aur kuchh roz abhii aa_iinaa dekhaa na karo

[aks = reflection]

ajanabii lagane lage Khud tumhe.n apanaa hii vajuud,

apane din raat ko itanaa bhii akelaa na karo

Khvaab bachcho.n ke khilauno.n kii tarah hote hai.n,

Khvaab dekhaa na karo Khvaab dikhaayaa na karo

be-Khayaalii me.n kabhii u.Ngaliyaa.N jal jaayengii,

raakh guzare hue lamho.n kii kuredaa na karo

mom ke rishte hai.n garmii se pighal jaayenge,

dhuup ke shahar me.n "Shayar" ye tamaashaa na karo

[mom = wax]

Maine Puchha Chaand Se,

Ke Dekha Hai Kahin,

Mere Yaarsa Hasin,

Chaandne Kaha Chandani ki Kasam, Nahi, Nahi, Nahi.

Maine Yeh Hijaab Tera Dhoondha,

Har Jagah Shabaab Tera Dhoondha,

Kaliyonse Misaal Teri Puchhi,

Phulonme Jawaab Tera Dhoondha.

Maine Puchha Baagse,

Phalak Ho Ya Jameen,

Aisa Phool Hai Koi,

Baagne Kaha har Kali ki Kasam, Nahi, Nahi, Nahi.

Maine Puchha Chaandse...

Chaal Hai Ke Mauj ki Rawaani,

Zulph Hai Ke Raat Ki Kahani,

Honth Hai KE Aa.ine Kanwal Ke,

Aankh Hai ke Maikadonki Raani,

Maine Puchha Jaam Se,

Ke Aisi Dilnasheen,

Koi May Bhi Hai Kahin,

Jaam Ne Kaha, Maikashi ki Kasam, Nahi, Nahi, Nahi.

Maine Puchha Chaandse...

Khoobsuarati Jo Tune Paa.i,

Loot Gayi Khuda Ki Bas Khudai,

Meer Ki Gazal Kahun Tuze Main,

Ya Kahun Khayyam ki Rubaa.i,

Mai Jo Puchhon Shayaronse,

Aisa Dilnashin Koi Sher Hai Kahin,

Shayar Kahe Shayari ki Kasam, Nahi,Nahi,Nahi.

Maine Puchha Chaandse...